نجيب جميع البهارات من كل شي حطيت 3 ملاعق كبيرة من بهارات السمك والبهارات العربية والكمون والفلفل الاسود حطيت ملعقتين بس والكاري حطيت ملعقة فقط.. نخلط البهارات جميعا بطاسه أو حلة صغيرة.. ونبدأ بتبهير السمكه كامل من الداخل الى الخارج..

نجيب البصل والطماط والبطاطا المقطع صغير ونبهره بنفس خلطه البهارات مع اضافه ملعقة صغيره من الثوم والزنجبيل.. ونحشي فيها منطقة رأس السمكه و بطن السمكه.. ونحط ورق الكاري فوق السمكه ونغلفها بلامنيوم ونحطها يالثلاجه أن امكن الوقت ساعتين على الاقل..

السمك بسرعه يستوي نخليها ربع ساعه على الوجه الاول ونقلبها على الوجه الثاني.. كيف تعرفو انها استوت بتشوفو ان السمكه بدأت ترتفع وتنتفخ شوي ومن تبدأ اطلع دخان من الاطراف يعني خلص نقلبها عن تحترق بعدين 😟..

نطلعها ونفتح الامنيوم عنها ونجيب صحن التقديم ويزين بالجرير.. والبصل حلقات والطماط والخيار والليمون والسماق والملح..