نغسل الخضرة الشبت والبقدونس والكزبرة وننضفهم كويس نشيل منهم اي ورق نباته لونه مصفر أو دبلان بعد كدة نقطع السيقان منها وونقعها في مياه وخل لمدة ربع ساعة

نغسل حبات الباذنجان الابيض وننضفها كويس أنها نشيل القشرة اللي على الرأس وبعد كدة لو حبات الباذنجان كبيرة نقطع كل حبة نصين بحيث تبقي صغيرة وسهلة في الحشو وبعد كدة نقورها يعني نفرغها من الحشو بتاعها بمقوار

و بعد كدة ننقع حبات الباذنجان جوي مياه وخل وملح لمدة ربع ساعة

نجهز الخلطة أننا اول حاجة في الكبة نفرم البصل حتى يصبح ناعم

و بعد كدة في صينية على النار هنحط ملعقة زيت عباد شمس أو ذرة او زيت زيتون ونحط خليط البصل المفروم على اصغر عين ونار هادئة جداً

في الكبة هنفرم ٩ حبات طماطم على مرتين طبعاً علشان الكبة مش هتاخد الكمية كلها الا لو عندك كاتشين مشين كبير فيه كبة كبيرة وبعد كدة هنحط خليط الطماطم مع البصل وفي نفس الكبة نحط شوية مياه بتاع ربع الكبة ونصبها على خليط الطماطم والبصل ونقلب كويس بمعلقة خشب

بالكوباية هنعاير ٢ كباية ارز وخلي بالك لازم الكوبابة تكون حجمها معقول علشان ميطلعش الارز أقل من كمية المحشي الكوييتين هيفيض في الاخر بتاع نص كباية ارز هنحشي منه حبة الفلفل والباقي هنسويه وهقولكم الطريقة أو لو حابين تزودوا كوسة أو طماطم عادي

هنحط الارز جوي مصفاة وتحتها طبق غويط علشان مفيش رز يقع في الحوض وهنغسله كويس ده لو الارز نضيف إنما لو سايب لازم تنقيه الاول من اي حجارة أو اي حاجة

بعد ما نغسل الارز في المصفاة ونصفيه من المياه كويس هننزل بكمية الارز في الصينية ونقلب كويس على النار

هنطلع الخضرة من المياه والخل ونغسلها كويس من الخل وده مهم جداً لان الخل لو فضل في الاكل بسيبب مشاكل في الكبد وبعد كدة نقطع الخضراء شرائح رفيعة جداً جداً

بعد ما ننتهي من تقطيع الخضرة هنحطها مع خليط البصل والطماطم والارز ونقلب كويس

بعد كدة هنحط عليهم ملعقة ملح وملعقة فلفل وملعقة توابل فراخ او نقلب كويس بعد كدة ننطفي النار

هنغسل حبات الباذنجان كويس المقورة ونبدأ نحشيها بالخليط بتاعنا وبعد كدة نحشي حبات الفلفل وكل ما نحشي حبة نرصها في الحلة بشكل كويس ولازم تكون واقفة علشان الارز ما يقعش وتتدلق في الحلة

بعد ما ننتهي من الحشو وننضف الحلة كويس من اي ارز واقع

لو عندك شربة مخزناها في الفريزر هنطلع كيس ونحطه جوي الحلة ونحط معاهم مية مغلية وملعقة صلصة ونقفل الحلة على نار خفيفة بس لازم الصلصة ندوبها الاول في مياه مغلية وبعد كدة توزعها في الحلة ونحط معاهم ملعقة زيت ذرة أو عباد شمس أو زيتون وتوزعها

طب لو مفيش شوربة في صينية هنحط مياه مغلية بتاع كوبين مياه مغلية وملعقة بودرة بصل وملعقة بودرة ثوم ومغلقة ملح وملعقة فلفل وملعقة توابل فراخ ونقلب كويس لحد ما يدوبوا ونحط عليهم ملعقة صلصة وندوبها فيهم وبعد كدة نحطهم جوي الحلة مع المحشي وملعقة زيت زيتون او ذرة او عباد شمس ونوزعهم ونقفل الغطاء كويس على نار هادئة

اول ما نسمع غليان نخفف النار على أقل حاجة ونكشف حاجة بسيطة من الغطاء ولازم نتابع كويس علشان المحشي ميلسعش ولا يلزق نهائي في الحلة

هياخد تقريبا بتاع ٢٥ دقيقة في السواء وهيستوي كويس اهم حاجة لازم تتابعي يعني متخرجيش من المطبخ الا لما تطفي عليه

طب كمية الارز الباقية هتبقي حوالى أقل من نصف كباية هنسويها ازاي بصي هنجيب حلة صغيرة وهنحط فيها كمية الارز ونحط عليها حوالى شوية مياه بحيث تغطي الارز المياه حسب الكمية الباقية يعني لو فاصل معاكي نصف كباية هتحطي حوالى ربع كمية مياه وتغطي الحلة كويس

الارز هيستوي في عشر دقائق تقريبا وتطفي عليه اول ما يتشرب المياه وتلاقيه استوي ومتسبيهوش كثير علشان ميعجنش

بعد ما تطفي على الحلة المحشي بعد ٢٥ دقيقة وطبعاً لازم كل عشر دقائق أو اقل تفتحي الغطاء وتتاكدي أنها مش بتلزق هتبداي تغرفي المحشي في سرفيس كبير او اطباق زي ما تحبي والف هنا ،♥️♥️♥️