دجاج محشي مع اوزي روعه
اكله كتير طيبه وحلوة للعزايم
إفتح في تطبيق كوكبادالخطوات
- 1
منتبل الدجاج بخلطة ماجي الحارة بتلاقوها جاهزة بالسوق ومنضيف عليها قرفه وزنجبيل وهيل وصلصة بندورة ودبس رمان منخلطهم منيح ومنتبل الجاجة قبل بيوم
- 2
منزل اللحم المفروم ع النار لما يتغير لونو منضيف بصله مفرومه ناعم ومنزيد الملح الفلفل الاسود والبهار المشكل
- 3
الحشوة..مننقع الرز وبعد نص ساعه مناخد منو قدر فنجان صغير ومناخد من اللحمة معلقتين كبار وبنطجرة صغيرة منقلبهم وبنزيد فنجان مي لما تنشف المي بكون الرز استوى نصف استواء بنحشيهم بالجاجه
- 4
بنخيط الجاجه ومنربط رجليها بخيط وحطوها بالكيس الي بكون مع خلطة كنور مندخلها ع الفرن اول نصف ساعه ع اعلى حرارة وبعد النص ساعه منوطي ع 200 لمدة ساعتين
- 5
باقي اللحمه منخلط معها جزر وبزيلا وع النار منقلبهم شوي ليتشربو النكهة وبنحط نص كاسة مي وع نار هاديه لتنشف المي طبعا الحزر والبازيلا المجمدين بكون اصلا مستويين
- 6
منحط شوية سمنه منقلب فيها الرز منزيد بهار الاوزي فلفل اسود كنور ومناخد قدر ملعقتين كبار من خليط اللحمه ليعطي نكهة للرز ومنزيد مي لفوق الرز بشوي صغيرة عشان يكون مفلفل يعني كل حبة بحبتها منخلي ع نار عاليه لما تنشف المي عن الوجه منوطي ومنحط كيس شفاف او قزدير ع وجه الرز ومنغطي لحد مايستوي
- 7
التقديم.... بنزل الرز ومنحط فوقو خلطة الحمة منطلع الجاجة بعد مانحمرها ومنحطها فوقهم ومنفك الخيوط وبنزين باللوز والصنوبر والزبيب بتتقدم مع سلطات عربيه وخيار ولبن والف صحه وهنا
كلمات ذات صلة
وصفات مشابهة
وصفات ننصحك بمشاهدتها
التعليقات