ضيفي فرينة وملح ومايزينة وبسيهم باليدام مليح وجمعي بالما ومازهر حتى تتحصلي على العجين لاهي طرية ولا هي يابسة شكليها ل 12 كرية (6طبقات من تحت و6من فوق)وخليها ترتاح على اقل 3 ساعات (من احسن تخليها تبات).

الحشو اخلطي كاوكاو (او لوز)ونوات كوكو وسكر وجمعيهم بالماء ومزهر حتى تتحصلي على حشو مرمل ماشي عجين وخليه يرتاح اكثرمن ثلاث ساعات (اخدميه وبيتيه مع العجين)

بعد ماترتاح العجين والحشوة حلي طبقات العجين تاعك بخليط من فرينة ومايزينة حتى تتحصلي على ورقة شفافة ديريها في مول مدهون بالسمن ضعيها وادهنيها بالسمن وهكذا حتى تكملي طبقات سفلية ضيفي الحشو وواستوي وجهو وقومي بنفس عمل مع طبقات من فوق وفي كل مرة ادهني بالسمن

واشعليها من تحت على نار قليلة حتى تشوفي اطراف حمارو وكاين وين تحمار من فوق بلا متزيدي تشعلي من فوق وادا محمارتش شعلي من فوق نار قليلة وخليها تحمار في عقلها مدة طياب تلحق حتى 3 ساعات.حسب فرن لي طيبي فيه وكي تخرج من فرن مباشرة عسليها بالعسل بارد وخليها على اقل 5 ساعات باش تنحي منها حتى تتشرب لعسل مليح وفي اخير زيني بواش تحبي.وبصحتك حبيبتي بقلاوة المحترفين بقلاوة على طريقة زمان.تجيك بطبع تحمري وجهك بيها