بنذوب الجيلي بماء ساخن كل مغلف بنذوبو بكاسة ونص ماء مشان طعمة الجيلي تطلع تقيلة وظاهرة

بنحط الجيلي بالثلاجة مدة عشرين دقيقة حتى يبرد ويقرب يتماسك

بنحط الحليب بقدر وبندوب فيه السكر والفانيليا وبنحطو عالنار لحد ما يغلي

بندوب النشاء بكاسة مي باردة وبحركو منيح مشان ما يكتل

بنضيف النشاء للحليب المغلي شوي شوي مع التحريك مشان ما يزرزر الحليب

بس يبلش الخليط يتقل ويصير سميك بنطفي النار وبنخليه مع جنب يبرد

بنفتت البسكويت وبنوزعو بالتساوي بزبادي او كؤوس تقديم حسب الرغبة وبنسوي السطح

بنحط خليط المهلبية فوق البسكويت شوي شوي مشان ما يفوش البسكويت وينتزع الشكل

بنجيب الجيلي وبنوزعو بشكل بطييييئ نقطة نقطة مشان ما تتشقق المهلبية وينتزع الشكل

بنحط الزبادي بالبراد لحتى يجمد الجيلي وبس يجمد منزين الوجه حسب الرغبة والف صحة وهنا