بسم الله اللهم صل وسلم على نبينا محمد وعلى آله وصحبه أجمعين وسلم تسليما كثيرا إلى يوم الدين ❤️
👈نضع السمنة والزيت في الحلة ونضيف البصلة وندبلها لحد ما تبقي شفافة
👈نضيف السكر ونقلب لحد ما يتكرمل معايا واول ما يكرمل ننزل بالقرفة الخشب والقرنفل والفلفل الاسمر والقرفة البودر ونقلب

👈مجرد ما تظهر ريحة البهارات نضيف ملعقة العسل الاسود ونقلب
ننزل بالزبيب والرز المغسول ونقلب

👈نضيف الملح وكوبايتين الماء المغلية ونقلب ونخلي النار وسط ونغطي ٥ دقائق يتشرب وبعدين نخفف النار ونحط الشياطة تحتية ونسيبه يستوي بعد ١٠ دقائق نقلبه ونساوي الوجه ونغطي لحد ما يكمل سوا

ملاحظات
👈الرز مغسول مش منقوع بنغسلة قبل ما ننزل بية على طول
👈لكل كوب رز ما ص ملح مش اكتر
👈لكل كباية رز من كباية ل كباية وربع ماء حسب نوع الرز

في بولة هنحط ماء مغلية ونضيف عليها شوية لوز ونسيبه ١٠ دقائق
نصفية كويس ونقشرة وكدة جاهز عالتحمير

في طاسة على النار نحط ملعقة سمنة ومعلقة زيت ونحمص المكسرات ونضيف معلقتين زبيب في الاخر خالص تقليبة ونطفي ويقدم فوق الرز

أخيرا ادعوا لجدتي زينب بالمغفرة والرحمة واللهم اجعلها من أهل الفردوس الاعلي يارب العالمين ❤️