نبدا بسم الله ونجيب ريسبسيون نحط فيه 2بيض ورشة ملح و4م ك سكر ونخلط مليح

نضيف مبشور حبة برتقال و8 م ك زيت ونخلط مليح ثم نحط 8 م ك عصير برتقال

نخلط مليح ثم نحط 8 م ك فرينة مغربلة وكيس خميرة الحلوى ونخلط

نخلط جيدة نتحصل على خليط ثقيل شويا نضيفلو 3 م ك عصير برتقال ونخلط مليح حتى يخفاف الخليط نجيب سينية 25/25 وندهنو بالزبدة ونرشو بالفرينة ونفرغ الخليط فيها ونشعل الفرن يسخن وندخلو يطيب

نجيب ريسبسيون نحط فيه كاس ناقص إصبع شانتي وكاس ناقص إصبع ماء بارد ونخلط الشانتي مليح حتى تطلع

نضيفلها اختياري 2م ك جوز الهند ونخلط جيدا ونقص حوالي كاس الاربع شانتي للتزينن

بعد ماطاب الكيك من تحت نشعل. من فوق يتحمر ونخرجو ونشربو بكاس حليب ونخليه حتى يبرد تماما ثم نرجع نعصر2 حبات برتقال كبيرة حتى نتحصل على كاس ونصف عصير نصفيه مليح ونحطو في كسرونة

نرجع الكيك بعد مابردت تماما نفرغ عليه الكرام شانتي ونطليها على كل السطح مليح (انا الشانتي لي عندي نوعية مش مليحة للأسف جاتني حرشة ندخل الكيك المجمد حتى تبرد مليح ثم نرجع الكسرونة نحط عالعصير م ك سكر وم ك نشاء

نخلط بارد في بارد ونحطها عالنار حتى تثقال لكن مش بزاف كما فالصورة ونخليها تبرد شويا ونفرغ فوق الشانتي ونمشيها مليح على كامل السطح ونرجع ندخلها المجمد

بعد ذلك نخرجها ونزينها بالشانتي المتبقية وشرائح من البرتقال

فالاخير نقطع الكيك تاعي ونقدمو انا استعملت ككل 4حبات برتقال لي عصرتهم وحضرت بيهم الكيك والطبقة العلوية