أولا نضع الحليب نضيف، الخميرة ،السكر،الزيت،البيض،خميرة الحلويات ، و نخلط مليح بالخلاط اليدوي ،

من بعد نبدا باضافة الفرينة ،و الملح و الفانيليا و نخلط مليح ، تقدر تاخد اكثر من 3كؤوس فرينة ، انا اخذت معايا 3كؤوس و نصف ، و تكون العجينة تتلاصق قليلاً و نتركها تختمر ، انا 30دقيقة اختمرت

نعجنها مليح مدة خمس دقائق و نتركها تختمر

من بعد نهبط العجينة بعد ما اختمرت ، و نفتحها بالاستعانة بالفرينة و نشكل دوائر ، و نزيد نتركهم يختمرو للمرة الثانية مدة 15دقيقة

من بعد نحضر مقلاة فيها زيت و نخليها تسخن جيدًا ،و نبدا بالقلي حبات البينيي على نار متوسطة ، و نعملهم الزيت من فوق لما ينتفخو نقلبهم من الجهة الاخرى ، لما يزيدو يتحمرو من الجهة الاخرى ننزعهم و نتركهم يبردو

من بعد ما يبردو تماما نعمللهم السكر الناعم ، ولا حبيتو تعملو السكر العادي ممكن ، كل واحد و الذوق تاعو

و نقدموهم بالصحة و الهنا