بسم الله اللهم صل وسلم على نبينا محمد وعلى آله وصحبه أجمعين وسلم تسليما كثيرا إلى يوم الدين ❤️
هنفرم البصلة او نخليها مكعبات وندبلها في معلقتين زيت زيتون واول ما تدبل وتبقي شفافة ننزل بفصين الثوم ولما نشم ريحتهم ننزل بملعقة خل صغيرة و الطماطم والفلفل المكعبات والطماطم المضروبة في الكبة او المبشورة ونضيف رشة السكر و الملح والكمون والكسبرة

نقلب تقلبتين ونغطيها ٥ دقايق يادوب الطماطم تتطري مش تتسبك او تكون هتدخل علي تسبيك هضيف الفول المدمس وشوية ماية واقلب واغطية شوية يسخن وكل المكونات تتداخل وياخد طعم الخضار

اضيف معلقتين الطحينة ومعلقة الزبادي واقلب واظبط الملح والكمون والكسبرة ويقدم في الطبق وعلي الوش زيت زيتون وسلطة طحينة لو حابين

ملاحظات
ممكن نبدل زيت الزيتون بزيت نباتي عادي

معلقة الزبادي اختياري بس بتخلي الفول هادي عالمعدة مش حامي من الطماطم

كمية الفول حسب الرغبة ممكن كوب ممكن كوب
سلطة الطحينة في التقديم حسب الرغبة

أخيرا اللهم اغفر لجدتي زينب وارحمها واسكنها فسيح جناتك يارب من الفردوس الاعلي ❤️🌷