مربى البيتنجان🍆
# مطبخ_ وصفاتي# بماانو موسم البيتنجان بنهايته حبيت شاركن وصفة البيتنجان يلي بحبه كتير من انا وصغيرة عطريقة امي بيطلع طيب كتير كتير وفيه قصه ظريفة عن هالوصفة وهي انو كانت انستي وانا بالصف الثالث ساكنة حارتنا وشافت امي عمتساوي مربى البيتجان بتذكر كيف كانت تقول ليش البيتنجان بصير مربى وبس داقتو استغربت من الطعمة والقرشة، وبالعطلة اخدت الطريقة من امي وجربت المربى وسكبتنا لندوق بس ماكانت مقشرتو وطالع اسود بس طعمتو طيبة صارت كل ماشافتني تسالتني مربى مين اطيب
مربى البيتنجان🍆
# مطبخ_ وصفاتي# بماانو موسم البيتنجان بنهايته حبيت شاركن وصفة البيتنجان يلي بحبه كتير من انا وصغيرة عطريقة امي بيطلع طيب كتير كتير وفيه قصه ظريفة عن هالوصفة وهي انو كانت انستي وانا بالصف الثالث ساكنة حارتنا وشافت امي عمتساوي مربى البيتجان بتذكر كيف كانت تقول ليش البيتنجان بصير مربى وبس داقتو استغربت من الطعمة والقرشة، وبالعطلة اخدت الطريقة من امي وجربت المربى وسكبتنا لندوق بس ماكانت مقشرتو وطالع اسود بس طعمتو طيبة صارت كل ماشافتني تسالتني مربى مين اطيب
إفتح في تطبيق كوكبادالخطوات
- 1
بسم الله الرحمن الرحيم🌺 منغسل البيتنجان ومنقشرن وبعد الوزن طلعو معي ٢و٣٠٠غ منوزن كلكيلو لحالو ومنضيفن على ماء عليه عصير ليمونة حتى مايسود
- 2
بس نخلص تقشير منتخلص من الماء ومنضيف ماء رائب الكلس او ٢م ك كلس لكل كيلو منحركن ومنغطين بصينية ومنتقل عليها ومنتركن ليلة كاملة
- 3
ثاني يوم منغسلن من ٤_٥مرات ومنحطن بطنجرة ومنغمرن بماء ومنغطين بصينية ومنتقل عليها ليبش يغلي اول كم غلوة منطفي ومنتخلص من الماء لتنخلص من الكلس ومنغسلن بماء بارد اكتر من دور حتى مايستوي البيتجان وبس برد منعصرن لنتخلص من الماء
- 4
بوعاء منضيف السكر والماء لكل كيلو بيتنجان كيلو سكر وكيلو ونص ماء منحركن ليدوب السكر ويوضع على نار عالية وبس يغلي منزل البيتنجان ومنبقى حدن لمدن خمس دقايق ومنغطن لتحت ليتشربو من القطر
- 5
بس تطلع الرغوة منخلص منه وبعد نص ساعة منخفف النار وكل فترة منقلبن بملعقة خشب منضيف عود قرفة وقبل مايستوي منضيف حمض الليمون ومنركن ليغلو كم غلوة ومنتركو حتى يستوي وياخد لون دهبي
- 6
وطبعا لنعرف كيف بيستوي منطالع وحدة ومندوقة، بس برد بكون عنا حبات بيتنجان مو مغمورين بالقطر منشيلن على مصفاية ومنحشين جوز او لوز المتوفر وغطيتن بجوز الهند وهالخطوة اختيارية
- 7
والحبات يلي بالقطر حشيتن بلوز ومنصفن بمرطبان ومنضيف علين القطر، طلع مرطبانين بقطر واكتر من واحد بدون والتنين اطيب من بعض
- 8
منحتفظ فين فينا نقدمن ضيافة مع القهوة وصحة وهنا🌺
Keywords
وصفات مشابهة
وصفات ننصحك بمشاهدتها
التعليقات (2)
مربى الباذنجان من أطيب وأغلى المربيات عندي كمان! 🍆💖
أهلي كمان بيعملوه وبحشوه جوز، طعمه لا يُقاوَم 👌
تسلمي وكلك ذوق مثل دايمًا 🌸✨