شاكرية باللحم الضأن
شاكرية باللحم الضأن
إفتح في تطبيق كوكبادالخطوات
- 1
أول شي لسلق اللحمة غسل قطع اللحم منيح وبحط طنجرة ع غاز فيها مي وحط اللحم فيها بس تغلي بشيل الزفرة يلي ع الوجه وبعدين بحط المطيبات القرفة والهيل ورق الغار وبصلة وملح و اتركها تغلي منيح لحتى يستوي اللحم
- 2
بعدين بخفق اللبن مع النشا والبيضة منيح يا أما ع خلاط كهربائي او يدوي بس اخلطن منيح قبل ما حطن ع الغاز
- 3
بعدين بحط اللبن ع الغاز مع التحريك المستمر وبضيفلو مرقة من مرقة اللحم يلي سلقنا فيها اللحمة طبعن بصفيها قبل احطها وانا بزود ع حسب رغبتي ازا بدي ياها تقيلة او خفيفة ع حسب رغبتي بزود المرقة
- 4
بس يغلي اللبن بحط شوي ملح وبلش نزل اللحمة وخليها تغلي مع اللبن منيح منشان ياخد اللبن طعم من اللحم بحط هيل ناعم او حب وبحط قرفة ناعمة شوي واختياري
- 5
البهارات الناعمة اختياري تحطوها مع اللحمة مع السلق أي شي تحبوه
- 6
ومع البن بس القرفة والهيل ورق الغار منشان لون اللبن
- 7
وتقدم مع رز بشعرية وممكن تضيفو مع شاكرية اللبن حبات بطاطا مقطعة قطع كبيرة ع حسب رغبتكن
- 8
ملاحظة فيكن تعملوها مع جاج أو صدور جاج أو أي شي بتحبوه وكمية اللبن واللحم ع حسب الرغبة وحسب الأشخاص
- 9
وبالعافية
كلمات ذات صلة
وصفات مشابهة
وصفات ننصحك بمشاهدتها
التعليقات