شعيريه بالكبد والقوانص
شعيريه بالكبد والقوانص
إفتح في تطبيق كوكبادالخطوات
- 1
اولا نجيب كبد وقوانص الفراخ نقطعهم وننزلهم فى ميه بتغلى فيها معلقه خل ننزلهم فيها دقيقه واحده ونصفيهم ونشطفهم كويس والخطوه دى علشان نشيل اى زفاره للكبد
- 2
ثانيا نجيب حله اللى هنسوى فيها وننزل بذبده وزيت وننزل الشعيريه ونحطلها ملح وفلفل وقرفه ناعمه ونشوحها يادوب يبقى لونها اصفر فاتح مش عايزنها تغمق مننا ونصبها فى بوله على جنب ونرجع الحله على النار
- 3
ننزل بمكعب ذبده صغنن وننزل البصل والثوم والكبد والقوانص ونحط ملح وفلفل وقرفه ناعمه وقرفه خشب تانى هنلاقى طبعا ريحه رائعه ونقلب شويه البصل يدبل بسيط وننزل بالفلفل والطماطم ونرجع الشعيريه الحله تانى ونقلب كله مع بعض ونزود ميه سخنه بتغلى ومنزودش الميه علشان البصل والطماطم والفلفل هينزلوا ميتهم واحنا مش
- 4
عايزين الشعيريه تعجن يعنى لو حاطين كوبايه شعيريه نحط كوبايه الا ربع ميه ونسبها تغلى غلوه ونهدى النار ونسبها تستوى زى الرز
- 5
خطوه اختياريه: لو متوافر المكسرات هنشوحهم فى معلقه زبده دقيقتين وننزل الزبيب معاهم ثوانى هنلاقيه نفش جامد نطفى ونزوق بيه الشعيريه بعد ما تستوى وتقدم وبالهنا
كلمات ذات صلة
وصفات مشابهة
وصفات ننصحك بمشاهدتها
التعليقات