طريقة عمل صينية بطاطس بالطماطم و الكفته
طريقة عمل صينية بطاطس بالطماطم و الكفته
إفتح في تطبيق كوكبادالخطوات
- 1
نبدأ بالكفته عشان هنسيبها ترتاح في التلاجه: في الكبه هنحط البصل و الطماطم المقشره والفلفل و فصين الثوم ونفرهم كويس جدا.
- 2
بعد ما اتفرموا كويس جدا هنصفيهم بمصفه كويس، نحتفظ بالمايه على جنب.
- 3
في نفس الكبه هنحط المفروم وعليه الخلطه دى والتوابل المذكوره فوق وهنفرم كويس جدا، هنطلعها ونحطها ترتاح في التلاجه تقريبا نص ساعه.
- 4
نكون حضرنا البطاطس ونطلعها نعملها كور صغيره و نحطها تانى في التلاجه 10 دقايق ربع ساعه.
- 5
بعدين هنطلعها على طاسه فيها الزبده ونفضل نحرك فيها لحد ما كولها تاخد لون هناخدها زى ما هى بالزبده و نحطها على وش البطاطس.
- 6
هنعصر الطماطم كويس اوى ونقطع البطاطس حلقات مش سميكه وﻻ رفيعه.
- 7
هنجيب طبق هنقطع فيه البصله بتاعت البطاطس جوانح وهنحط عليها التوابل المذكوره فوق و الماجى و معلقتين زيت و هنفرقهم في بعض بادينا وانزل بيهم على البطاطس و قلبيها كويس.
- 8
احط الطماطم وتسيب شوية عشان احطهم فوق الكفته وهندخلها الفرن هتاحد تقريبا 40 دقيقه ساعه والف هنا و شفا.
الكوكسناب
Keywords
وصفات مشابهة
Baked Potato and Tomato Casserole with Kofta وصفات ننصحك بمشاهدتها
التعليقات