ننظف الدجاج ونقطعه نصفين بالطول.

التتبيلة حسب كمية الدجاج واذا حبيتيها زيادة ما مشكلة حسب الرغبة، عصير ليمون وكاتشاب وشوية رب بندورة ودبس رمان كمية ظاهرة ﻷنها اﻷساس وزنجبيل وقرفة ورشة كبش قرنفل وهال وبابريكا وماسترد بودرة وفلفل وملح وحطيت من خلطة بهارات الشاورما وثوم بودرة وبصل مبروش وبندورة مبروشة ولبن شنينة او المخيض بيساعد على نضج الدجاج وبيعطيه طعم طيب ونخلطها وننقع قطع الدجاج فيها اذا من الليل افضل.

نشوي الدجاج على الفحم.

الخضار، نضع الخضار بمصفاة خاصة للسلق عالبخار او عادية ونضعها فوق طنجرة وعلى النار وكل نوع بياخد وقت مختلف وما نسلقها كتير عشان نحتفظ بالفيتامينات ونضعها بمقلاة مع شوية زبدة ورشة زعتر ناشف وبهار ليمون وفلفل.

البطاطا، نقطعها ونتبلها ببهار ليمون وفلفل ورشة زعتر ناشف وبالفرن لما تقرمش.

الصوص يقدم بجانب الدجاج تغميسة، نأخذ من الصوص التتبيلة للدجاج كمية ونضيف لها من صوص باربكيو الجاهز ونطبخها عالغاز شوي، وعافية.