منسف لحمه
ما لحقت أصور اللمسات الأخيره 😂🤣 والتزيين 🤗
إفتح في تطبيق كوكبادالخطوات
- 1
اول شي بطنجرة الظغط على النار بحط معلقتين زيت قلي وبفرم ناعم راس بصل وبحط اللحمه وبغمر اللحمه بماء وبس تغلى بشيل الزفره وبحط ملح وهيل حب وفلفل اسود ومعلقة بهارات السبعه وحبة لومي لمدة 25 دقيقه ل 30 دقيقه بتكون استوت
- 2
هلا الرز بعد الغسل والنقع بحطو بطنجره وبحطلو ماء لكل كاسة رز كاسة ماء وبحط معلقتين سمنه ومعلقة ملح وبخلطهن مع بعض وعند اول غلوه بوطي النار عآخر نفس لحد الإستواء
- 3
هلا بالخلاط بحط اللبن وماجي وبيضه وربع ملعقة صغيره ملح وجميد وبخلطهن وبحطهن بطنجره على الغاز وبحط هيل مطحون مع التحريك المستمر لحد الغليان وبس تغلى بوطي الغاز عآخر نفس
- 4
بس تستوي اللحم بشيلها وبصفي ميتها وبحط من ماء اللحمه على اللبن مقدار كاستين وبحط ربع ملعقة صغيره كركم عند اول غلوه بحط اللحمه لمدة 10 دقايق وبطفي الغاز
- 5
هلا بحط رغيف خبز بسدر وبعد هيك الرز وبنشل اللحمه وبحطها عالز من فوق وبزيين لوز وبقدونس
- 6
بصحن بفرم راس بصل وبعصر ربع ليمونه وبحط عليه سماق وصحن ومخلل. صحه وعوافي 🌹
Keywords
وصفات مشابهة
وصفات ننصحك بمشاهدتها
التعليقات (3)