طاجين زيتون بالبسباس واليبول
طاجين زيتون بالبسباس واليبول
إفتح في تطبيق كوكبادالخطوات
- 1
اولا نغسل الزيتون ونصفيه من بعد نديره في وعاء ونغمره بالماء يكون دافئ شوية ونخليه بجنب من الافضل يبات ونبدلوله الماء زوج خطرات انا نستعمل هاذ الطريقة ما نحبش نغليه
- 2
نقطع البصل رقيق ونرميه فالمرميطة (المقلاة) ونقليه مع شوية زيت وزبدة نزيد الجزر مقطع دوائر ووريقات الرند
- 3
لما يتقلاو نزيد عليهم الزيتون بعد ما صفيتو نخلطه مع المكونات ونرمي عليه الفرينة (طحين) مع التحريك وفي هاذي الوقت نزيد التوابل الكمون و الكركم
- 4
لما نشوف الفرينة (طحين) تحمست و نشفت المرميطة نمرق حتى يتغطى الزيتون لي عندي و نرمي فيه حبيبات البسباس لي نقيتهم و قسمتهم على زوج
- 5
ملاحظة ما نديرش الملح نهائيا حتى نشوف رايحة تطيب اي تستوي نذوق اذا لقيتها ناقصة ملح نزيد لانو الزيتون يبقى محافظ على كمية من الملوحة
- 6
نجي للحم تاعي نرحيه مع شوية بقدونس توابل اللي حبينا نتجنب الحار فقط ملح وثوم لما بترحاو (يتشوحوا) مليح نزيد عليهم الرز ونجمع بالبيض
- 7
نخرج انصاف البسباس نخليهم بجنب يبرد شوية من بعد نفتحهم فالوسط ونحشيهم اذا حبيتوا تقلوهم مع شابلور (بقسماط) عادي تبقى حاجة اختيارية ونكمل نشكل كويرات باللحم لي بقالي
- 8
نلوح الكويرات فالمرقة مع البسباس اذا شفت المرميطة نشفت بزاف نزيد عليها الماء ولازم يكون سخون
- 9
نقي البطاطا ونقليها ولما يطيب، اي يستوي الزيتون تاعي ونسقيه نزيدها معاه ونرش بالمعدنوس وشهية طيبة
كلمات ذات صلة
وصفات مشابهة
وصفات ننصحك بمشاهدتها
التعليقات