في إناء كبير نحط السميد والملح والفرينة والزبدة ونبسسهم مليح باليد ونترك هذا الخليط يرتاح ليلة كاملة

ثم نحط خليط مكون من ماء وماء الزهر ونبدأ برش الخليط اللي بيتناه ولكن دون عجن كما في الصورة نخليه يرتاح ونحضر المعجون

إذا كان عندك تمر بالنوى انزعي النوى وفوريه وعجنيه ثم ضيفي له القرفة القرنفل وشوية زيت وعجنيه واعملي حرابيش رقاق كما في الصورة

نحط كمية من العجين فوق طاولة العمل ونعمل حربوش ونحط التمر في الوسط ونلمه ونعاود نشكل هذاك الحربوش مليح ونطبع بالطابع الخاص بالمقروط

ونقطع المقروطات بالسكين

ونحطهم في شبكة القلي ونحط الشبكة في مقلاة بها كمية معتبرة من الزيت ويكون عالي السخونةوبمجرد ما نحط الشبكة ننقص النار يعني نقلية على نار هادئةحتى ما يكونش معجن مداخل

مباشرة ما يتقلى وهو ساخن حطيه في العسل ثم قطريه من العسل وممكن تعسليه للمرة التانية لما تجي تقدميه وبالصحة والهنا