نحضر فالكوكوط المرقة تاعي نحط البصل مرحية +ثوم واللحم والتوابل والملح والزرودية مسكرفجة (مفرومة) والفلفل والطماطم حب والمصبرة و شوي زيت ونخلي اللحم يتقلى بعدها نضيفلو شوي ماء وحمص مشمخ ونخليه يطيب (يستوي)في صوص قليلة كي طيب اللحم نحيه ونمرقها بعدها نصفيها ونخليه على جنب ونروح نحضر التليتلي

في مقلاة نحط شوي زيت ونحمص التليتلي تاعي في الزيت وشوي فلفل اسود حتى يحمر كي يحمر نحيه نحطو في مول ونفرغ فوقو المرقة حتى يتغطى بالكامل بعدها ندخلو للفرن كي ينشف من مرقتو نخرجو ونزينو بالبيض واللحم ونقدمو ⁦❤️⁩