بسم الله اول شيئ نبداو بيه هو الدجاج نقيو الدجاجة تاعنا ونخلوها جانبا كي تنشف نقسموها في النص بلا ما نقطعوها بهذي الطريقة

نجيب البطاطا نقشرها ونقطعها دوائر ونفرشها في الصينية ونفرش فوقها الطماطم والفلفل حار والمعدنوس نجيب الدجاجة ونحطها فوق البطاطا

نروح نوجد الصوص لي نصبها فوق الدجاج والبطاطا في طبسي نحط الملح والفلفل اسود والزنجبيل والكمون والكركم والفلفل عكري والزيت والطماطم المصبرة ونصب كاس الماء ونخلطهم مليح ونصب الخليط فوق الصينية

نغلفها بالالومنيوم و ندخلها الفرن طيب حتى نشوفها تحمرت من بعد نقدمها مع البطاطا بالصحة وشهية طيبة نتمنى تعجبكم