نسلق اللحمة بدون اي دهون بدون ماتشوح نغلي ماء بطماطم جزر فلفل الوان بسله (بازيلا) كوسه وبهارت ورق لورا مستكه حبهان رز مارى نعناع وزعتر وخل وبعد ما تغلي ننزل اللحمة ونسيبها لما تستوي براحتها

نأخذ اللحمة ونبيتها في الثلاجة و الصبح ننزع منها اي دهن متواجد فيها وفي الشوربه وعلى الجريل نشوحها علشان نضمن أن مفهاش اي دهون بس متتشوحش كتير علشان متنشفش

نغسل الرز كويس جداً علشان ننزل نشوياته ونسيبه منقوع شويه

نغلي اللبن والشوربة ومدوب فيه ملح وفلفل ورشه جوز طيب وقرفة على زنجبيل

نرص البرام الفخار ذى المعكرونه بالبشاميل رز تحت في النص اللحمة المسلوقه وعليها رشه بهارات وقرفة وزنجبيل وجوز طيب وفلفل اسود كتير ونغطيها بالرز ونعمل فتحات بلسكينه على الوجه ونصب عليه اللبن المغلي ونغطيها كويس وندخلها الفرن لحد ما يستوي الرز

ملحوظه اللبن نخلطه بشوربه اللي منزوع منها الدهن علشان الكالورى اللي في اللبن ملحوظه تانيه اللبن يكون فوق الرز بمقدار عقلة ونص صباع علشان يستوي ملحوظه كمان مش معنى أننا قللنا الكالورى في الاكله انها كدة هيلثي (صحي) و دايت وناكل بقي وندوس لا هي لسه فيها كارب ودهون احنا قللناه بس يبقى نأكل بحساب والف هنا وشفا