الحشو الأول: نخلطو الكوكاو مطحون ومحمص مع الجلجلانية (السمسم) محمص ومطحون ونلمو بحلوة التركو اذا ما تلمتش نزيدولخا ملعقة صغيرة زبدة حسب كمية الحشو و نحشيو التمر.. اذا التمر نتاعك جا يابس شمخيه في ماء الزهر و فوريه مدة دقيقتين

الحشو الثاني: جوز الهند محمص تقدري ديريه ماشي محمص عادي و تزيدلو نستله حتى تتلم التزيين يكون حسب الذوق وحسب المتوفر جلجلانية لوز جوز كاوكاو (فول سوداني) وحبيبات شوكولاتة

الحشو الثالث: قاطو بيمو مرحي مع قطايف محمصين ومرحيين نصف رحيةشوي خشان باه يمدو قرمشة تقدري ديري فويتين او الديول نتاع البوراك تحمصيهم في الفرن وترحيهم شوي خشين ونزيدو الكاوكاو و نجمع بالنوتيلا حتى تتلم المكونات ونحشي التمر

الحشو الرابع: الحشو التقليدي عجينة السكر او عجينة اللوز بالألوان و الأذواق نعمرو بيها حبات التمر و نغطسوهم فالشيكولا تكون ذايبة من الأفضل تكون سوداء مرّة من اجل توازن الذوق نحطوهم فوق ورق بلاستيك حتى تنشف قبل التزيين ندهنو مكان التزيين بالشوكولاته و نزينو حسب الذوق

الحشوة الخامسة: مكسرات مجمولة محمصة نغطسوها فالنيسلي او شوكولاتة و نخلوها تنشف من بعد نحشو بيها التمر