أنا حطيت المكونات في علبة عسيلة فارغة من المستحسن تحطوها في حاجة تكون ضيقة باش النتيجة تطلع مليحة حطيت الكاكاو والسكر وحركتهم بالمغرف

نزيد عليهم الحليب ونبدا نميكسي بالميكسور ونضيف الزيت تدريجيا كيما المايونيز وانا نميكسي حتى نكملو كمية الزيت ويثقال الخليط تاعنا بهذا الشكل👇

والفكرة تاع العلبة رائعة جربوها وماتندموش وزيد كي يكمل الخليط تاعي نغلق عليه ونخبيه في الثلاجة والله صدقوني ملي بديت نخدم فيها في الدار جامي شريت شيكولا من برا ندير بيها واش حبيت والبنة ماشاء الله خاصة نوعية الكاكاو تلعب دور كبير كاكاو لي درت بيه انا فيه شوية مرورة في متناول الجميع 😍علابالي كثرت عليكم بالهدرة الله غالب راني ثرثارة😂😂😂المهم بصحتكم معايا وتهلاو في رواحكم وبووون وي😉ماتنساوش تجربوه👋👋👋👋😪😪😴😴😪😪😴😴