نقطعو الجزر والبطاطا صغير ونحطوها تفور بشوية ملح نديرو الكسكس تاعنا يفور بصح نشمخوه بشوية نفوره تفويرة اللولة كي يفور مليح نحطوه في قصعة نبخوه شوية بالماء لانو راح الخضرة والبصل والطماطم يطلق ماه المهم مايكونش يابس اومايكونش مرنخ نديرو فوقو بصل وطماطم مقطعين صغار

ومديرو طماطم مصبرة ونحكوها بين يدينا ندخلوها فيه مليح مع التوابل ونشفو الى كفاتنا زوج ولا نزيد نص مغرف ولازم الحار ونهرسو الثوم مع الحار اليابس ونديرهوم ثاني ديرو قرن واحد باش ماتجيكمش حارة بزاف ونديرو الحضرة ونحطوه يفور تفويرة الثانية

كي يطيب (يستوي)نديروه في قصعة ونديرولو زيت زيتون وناكلوها بالصحة والهنا مع زيتون كحل ومرقد في واد سوف نقولولو منقوع يجي بنين وحار