نجيب قدر نحط فيه ماء وملح ونسلق فيه المقارون مدة 5 دقائق

ثم نجيب مقلاة نحط فيها زبدة ونضيف الدجاج ونخليه يتقلا حتى يتغير اللون تاعو

بعد نحيه ونحطو على جهة وفي نفس المقلاة نزيد 2 مغارف زيت ونضيف عليهم شرائح البصل ونقلي ونخلط حتى يذبال البصل ثم النضيف الفلفل ألوان ونحرك مرة اخرى حتى يذبال الفلفل

نزيد الدجاج لكونا قليناه نصف طياب ونحرك مدة 5 دقائق ونضيف نصف كأس ماء ساخن ونحرك ومنبعد ندير الملح ونزيد البهارات لذكرتهم ونزيد طماطم مصبرة ونخلط

نخلي الخليط تاعنا يتقلا 10 دقائق على نار هادئة وبعد نضيف 2 كؤوس ماء ساخن ونخليه يغلي وبعد ما نشوفوه يغلي نجيبو المقارون تاعنا لكونا سلقناه وصفيناه

نضيف على الخليط تاعنا ونخلط ونخليه 10 دقائق واذا صبت الماء قليل ضيفي كاس او نصف كأس وبعد ما نشوفوه نشف نضيف عليه الجبن المبشور ونطفي والمقارنة تاعنا راهي جاهزة

نقدموها في صحن التقديم ونكلوها بصحة وراحة شهية طيبة احبابي