في قالب التشيز كيك المتحرك نرص طبقات البقلاوة و نرفعها من جميع الجهات و نمسح كل طبقة بقليل من الزبدة المذوبة.

و نقص الأطراف الزائدة و نرتبها.

نخلط الفستق المجروش مع قليل من الشيرة ، و نخليها كطبقة ثانية بالقاع.

نخلط جميع مكونات التشيز في خلاط العصير و نصبها في القالب.

ندخلها الفرن على حرارة ١٨٠ ، لين تتماسك و تتحمر رقائق البقلاوة (أخذت معي تقريبا ٥٠ د)

ممكن نحمر الوجه و ممكن نتركها بدون تحمير

بعد ما تجهز و تتماسك ، نطفي الفرن و نتركها بداخله لين تبرد شوي.

و نطلعها و نسقي رقائق البقلاوة بشوي شيرة (فقط الرقائق) و ندخلها الثلاجة ليوم ثاني.

ملاحظة :
حتى لو كان الوسط مازال غير متماسك شوي ، عادي راح تتماسك بعدين مع التبريد.

وقت التقديم نزينها بالفستق المجروش و الورد اذا كان متوفر و بالعافية 😍