تحطي المقادير كلها على بعض وتبدأي تصبي الماء واحده واحده سواء في العجانه او بتعجيني بايديك لحد ماتتماسك العجينه مع بعض ومن ثم تغطيها وتسبيها ساعه تتخمر وتنفش

الحشو: عباره عن بصل مفروم فرم صغير وعليه 5 ملاعق كبيره كاتشب وكيس صلصله وملح وفلفل وكمون وكسبره وبهارات ويدهن بيه العجينه بعد فردها في الصينه

او لو حبيتي تعمليها ميني بيتزا ومن ثم توضع الجبنه الموتزرلا الاول وبعد كده تحطي اي من المكونات اللي بتحبيها زي التونه الفراخ اللحمه المفرومه الطماطم الفلفل الزيتون اي مكونات يعني لو عندك فراخ بايته في الثلاجه او لحمه مثلا شوحي الفراخ او اللحمه على النار مع شويه بهارات وفلفل وطماطم وحطيهم على عجينه البيتزا وهاتبقى احلى بيتزا عملتيها

بتحطيها في الفرن لمده 20 دقيقه او لحد ماتلاقي العجينه استوت وماتفتحيش الفرن من فوق الا في الاخر خالص علشان الجبنه الموتزرلا ماتتحرقش منك وبألف هنا وصحه