بحب كتير مجال الرسم يلي عم بدرسه، وكمان بحب الشوبنغ، المطالعة، زيارة المعارض الفنية والآرت غاليريز... والطبخ!
بلشت أطبخ لما جيت عيش وحدي بلندن، لأنو المطاعم هون غالية كتير، وما في الواحد كل يوم ياكل برّا. كرمال هيك، لما يجي عبالي، بطبخ شي مع شريكتي بالسكن، وهي بنت إيطالية تعلمت منا بعض الوصفات، وعرّفتها كمان على كتير أكلات لبنانية.
كمان بحبّ الأكل الفرنسي كتير، متل شوربة البصل وغراتان البطاطا (غراتان دوفينوا)... وتسجلت بمجلة فرنسية عن الطبخ لصير أعرف كيف اعمل اكلات فرنساوية.
بحاول دايماً اشتري اغراضي من الدكاكين الصغيرة، حتى تكون طازة وطيبة.
رفقاتي بحبو الاكلات اللبنانية اللي بحضرها، وكمان بلشوا يحبوا طبخي الفرنساوي. انشالله تحبوها أنتو كمان.
ناطرة تعليقاتكم على وصفاتي.
ما أشتهر بطبخه:
الارز على الدجاج اللبناني، الكريم بروليه وغراتان البطاطا (غراتان دوفينوا)
