نكون رحيت اللوز و نوزنو نضيفلو السكر ونزيد نرحيه شوي

في صحن كبير نضع اللوز نضيفلو عسل وزبدة ثم نضيف البيض بالتدريج حتى نتحصل على عجينة ونعجنها مليح ونغلفها بكيس غذائي ونتركها تبات

غدا نضيفلها قشور الليمون ونعجنها مليح وممكن نضيفلها قليل من بيض لا لقيتها يابسة بزاف

نحلل اللوز ويكون سمك وحد ٢سم اواكثر نضع بلاستيك غذائي فوق اللوز ونطبع بطابع قلب باه يجي بومبي

نحي بلاستيك ونزيد نطبع ونضع فوق صينية الفرن لنكون وضعت ورق الطبخ

نطيب المخبز على درجة حرارة قليلة ١٤٠درجة حتى يتحمر شوي

نطيبو ونخليه يبرد مليح ونحضر طلية

نخلط حليب وزيت و ماء الزهر ونضيف قليل من ملون ثم نضيف سكر ناعم لنكون غربلتو بالتدريج حتى نتحصل على قوام شوي ثقيل ثم نضيف عصير الليمون

نشكل وردة وريشة بعجينة سكر بمول سيليكون ونلمعهم بملمع

نطلي مخبز ونخليه ينشف مليح

نلمعو بملمع فضي ونزين على جنب بوردة وريشة

والخطوط نضع قليل من طلية في جيب حلواني تاع بلاستيك ونقطع بالمقص حق ما يخرج خط رفيع ونشكل كما في صورة