نبدا اولا بتحضير المرق في طنجرة نحط اللحم ونضيف عليه البصل والثوم انا قطعتهم حشان لاني راح نصفي المرق فيما بعد ونضيف الملح والتوابل والزنجبيل والعكري ونضيف م ك زيت ونحطها على نار تتقلى مليح ثم نحط عليها الطماطم المصبرة ونواصل التقلية ونمرق بالماء ونخلي الدجاج يطيب

بعد ذلك نجيب كسرونة اخرى نحط فيها كمية من الماء ونضيف فيه م ص ملح و م ص زيت ونحطو على النار حتى يغلى هذا النوع لي ستعملتو تاع المقارون تجي حبتها صغيرة بزاف بعد مايغلى الماء نحط المقارون تاعي ونخليه يطيب وبعد ذلك نصفيه في كسكاس ونصب عليه ماء بارد

بعد ذلك نفرغ المقارون في كسرونة وننجيب كسكاس نصفي المرق تاعي ونرجع الكسرونة على النار ونخليها تتشرب المرق وفالاخير نقدمها في صحن التقديم

بالصحة والعافية