نحضر كل المكونات، نخلط مليح المارغرين مع السكر الرطب و لفاني ورشة ملح حتى نتحصل على خليط كريمي نضيف كاس جوز الهند المحمص ونخلط مليح

نضيف البيض وندخلو مع المكونات، نزيد الفرينة بالتدريج حتى نحصل على عجينة طرية

نجيب قوالب السلكون على شكل قلوب نحط في كل فراغ كرية ونفتحها على شكل القلب ندير ثقوب بمساعدة عود الشواء ونقلب مول السلكون فوق صينية عليها ورق الزبدة وندخلها للفرن المسخن مسبقا على درجة حرارة متوسطة، من الأحسن يكون عندك شحال من مول سلكون باش نكملو بلخف.

نروح للحشو، في إناء نخلط نواة كوكو (جوز الهند) مع كمية من الحليب المركز المحلى (الوصفة كنت حطيتها من قبل) حتى نتحصل على خليط شوية خفيف، ندير شوية من هاذ الخليط في وسط حبة القلب وندير حبة لوزة منقية ومحمصة ونغلق عليها بالنصف الثاني للقلب حتى هو فيه القليل من حشو جوز الهند.
ملاحظة: نتعاملو مع الحبة برفق الصابلي راه هشيش.

بنفس الطريقة حتى نكمل كل الكمية، نمسح القلب بالحليب المركز المحلى ونرمد الحبات في جوز الهند.
ملاحظة: نقدرو نستعملو الشكولا البيضاء في القلاصاج حتى هي تجي رائعة.

ويقدم بألف صحة وهنا يجي هشيش وبنين.