نبدا اولا بتحضير المكونات ونجيب صحن ونحط فيه 2حبات بيض وم فانيلا والسكر ونخلط بالفووي مليح ثم نضيف الزيت ونواصل الخلط ثم الياؤورت والحليب ونخلط مليح

بعد ذلك نبدا باضافة مبشور الليمون والفرينة تدريجيا والخميرة الكيميايئة ثم نضيف 2 م ك عسل ونلم بالفرينة والخميرة حتى نتحصل على عجينة طرية نوعا ما نغطيها بكيس بلاستيكي وندخلها الثلاجة مدة ربع ساعة

نخرجها ونحلها على ورق الطهي ونجيب مول صابلي دائري ونبدا نحل فيها ونقطعها الى دوائر ثم نجيب سكين ونقص كل دائرة الى نصفين ونستفهم فوق الورق ونحطهم في سينية حتى نكمل كامل الكمية

بعد ذلك نجيب حبة البيض نضيفلها قليل من الماء وم ص قهوة وندهن حبات الحلوى تاعي ثم نجيب سكين ونعمل خطوط على كل حبة وندخلها تطيب في فرن ساخن

الاخير نخرجها وندهنها بمعجون العنب ونزينها حسب الرغبة وممكن نخليها دون طليها بالمعجون

هذا شكل الحلوى تاعي مليحة لفطور الصباح او لقهوة العصر