في إناء نضع الزبدة و السكر و صفار البيضة و فانيليا ورشة الملح ونخلطو مليح حتى نتحصل على كريمة منبعد نضيفو النشاء و نخلطو مليح نزيدو ربع ملعقة خميرة الحلويات و نلمو العجينة بالفرينة حتى نتحصلو على عجينة طرية نشكلوها بطابع قلب الكريستال وندخلوها للفرن تتحمر من لتحت برك صابلي اللون الذهبي.
ن

ذوبو الشوكولا نتاعنا على حمام مائي و ندهنو مول السيليكون نتاعنا الخاص بالكريستال و ندخلوه الفريجيدار ينشف نزيدو الطبقة الثانية وندخلوها تنشف و كي تنشف نديرو الحشوة و هي عبارة عن كريمة البندق و زوج مغارف فايتين

و زوج مغارف كاوكاو (فول سوداني) محمص ومرحي و زوج حبات رافاييلو و نخلطو نتحصلو على حشوة نديروها منبعد نغطو على الحشوة بالشوكولاتة باستخدام ملعقة و ندخلوها لفريجيدار منبعد ندبموليوها و نلصقو القلب على القاعدة نتاع الصابلي باستعمال الشوكولاتة البيضاء منبعد في لحواشي نديرو فايتين باستعمال الشوكولا ايضا و نلمعوه بملمع فضي و نلصو وردة الشوش و الورق الذهبي باستعمال القليل من الشوكولاتة.