نجيب قدر نحط فيه اللحم ونضيف عليه البصل والثوم مرحيين ونحط عليهم الملح والتوابل والفلفل الاسود ونحط الزيت ثم نضيف الحمص والفول ونحطها على النار تتقلى مليح ثم نضيف ملعقة كبيرة طماطم مصبرة ونواصل التقلية

بعد ماتقلات مليح نحط الخضروات البطاطا والجزر والجريوات ونمرق بالماء ساخن ونخليها تطيب اي تستوي

بعد ذلك نرجع لكسكس تاعي نحط عليه ملعقة كبيرة زيت ومن بعد نحطو في كسكاس يفور عالمرق تاعي ومن بعد نسومو بالماء ونحطو ينشف فالقصعة ونرجع نحطو فللكسكاس يفور

الخطوة التالية نبقا نفور الكسكسي تاعي في كل مرة حتى يطرا

فالاخير تطيب اي تستوي المرق تاعي نحي اللحم على جنب ونضيف للمرق تاعي نصف لتر حليب ونجيب صحن التقديم ونحط الكسكس فالاول ونضيف عليه الخضروت ثم نحط المرق تاعي

اخيرا شكل طبق تاعي جاء بنين بزاااف شهيتنا فالجنة يارب