સૌ પ્રથમ પનીર ના ટુકડા ને એક પેનમાં હલકા સાંતળો. બદામ ને ગરમ પાણીમાં પલાળી છાલ ઉતારી લો. એક કડાઈમાં એક કપ પાણી ઉકળવા મુકો. તેમાં કાંદા, કાજુ, બદામ, લસણ અને મગજતરી ઉમેરી દસ મિનિટ સુધી બાફી લો.

મિશ્રણ ઠંડુ પડે એટલે મિક્સરમાં પીસી ને પેસ્ટ બનાવી લો. એક કડાઈમાં ઘી ગરમ કરો. તેમાં જીરૂં, ખડા મસાલા અને લીલાં મરચાં નાખીને સાંતળો. તૈયાર કરેલી પેસ્ટ ઉમેરો. ઘટ્ટ દહીં ઉમેરીને કેસર વાળું દૂધ ઉમેરો.

સવાદ મુજબ મીઠું ઉમેરો. કાળા મરી, કસૂરી મેથી અને ગુલાબ જળ ઉમેરીને બરાબર મિક્સ કરો. ઘી છુટું પડે ત્યાં સુધી રાંધો. પનીર ના ટુકડા ઉમેરો. સ્વાદિષ્ટ નવાબી પનીર તૈયાર.