نتخذ قدر ونحط حبة البصل المفرومة ونوضع قطعة الدجاج ونحطهم على نار متوسطة ونوضع ملاعق زيت وملح ونقليهم مع بعض مليح ثم نضيف التوابل والخضار ونقليهم بعدها نمرقهم بماء سخون قد ما يتغطى الدجاج ونغلق قدر الضغط حتى ينضج الدجاج والخضار مع بعض نطفي عليه ويكون المرق جاهز مجمر

نحط الكسكس في إناء ونغمروه بالماء نغسلوه ونقطروه في كسكاس ثم نحطه في اناء كبير ونفتحه باليد ونضيفله ملعقة زيت ونفتحه ثم نوضعه يفور المرة الاولى على البخار حتى يخرج البخار نحطه ونوضعله ملح وماعقة زيت ونبدا نرش فيه الماء باليد ونفتح باه ميتعجنش معي ونغطيه ثم نعمله التفويرة الثانية بعدها نحطوه وندهنوه بالزبدة ولا السمن الي متوفر ونوضع الزبيب يفور بعدما يفور ندهنه بالزبدة ونخلطه مع شوية كسكس