كروكي رولي
إفتح في تطبيق كوكبادالخطوات
- 1
نبدا بسم الله ونجيب صحن واسع نحط فيه البيض ورشة ملح وكاس سكر ونبدا نخفق بالخلاط الكهربائي حتى يذوب السكر تماما
- 2
بعد ماحصلت على خليط ابيض نضيف كاس زيت ونواصل الخفق مليح حتى يندمج الزيت مع البيض والسكر
- 3
بعد ذلك نضيف 3 م ك نشاء ونخلط بملعقة خشبية ثم نبدا نضيف فالفرينة تدريجيا
- 4
نبقا نحط فالفرينة بالكاس وكيس خميرة الحلوى ونخلط مليح حتى نتحصل على عجينة طرية نقسمها الى. نصفين متساويين اللولة نضيفلها حوالي 2م ك فرينة ونلمها والاخرى نضيفلها م ك كاكاو اسود او 2م ك كاكاو بني غامق
- 5
نلم العجينتين تاعي ونشكلهم كرات نحطهم على سطح العمل
- 6
نجيب بلاستيك ونحل العجينة البيضاء مستطيل ورقيقة ثم نحل العجينة السوداء بنفس الطريقة ثم نبدا نلف ونشكل حربوش كبير نقطعو ال 2 متساويين ونجيب سينية فرن ندهنها بالزيت ونحط الحربوشين فيها
- 7
نجيب معجون الفراولة وندهن الحربوش تاعي وندخلو الفرن يكون سخون من قبل يطيب من تحت على نار 160د ثم نشعل عليه من فوق يأخذ اللون الذهبي نخرجو مباشرة وهو سخون ندهن بعسل يكون خفيف نوعا ما ونرش عليه جوز الهند او كاوكاو محمص ومرحي (انا لاني عملتو لفطور الصباح فضلت جوز الهند على الكاوكاو)
- 8
فالاخير. نقطع الحربوش الى حبات كيما فالصورة ةشوفو كيفاه تحصلت على كروكي رولي
- 9
فالاخير نقدمو في صحن التقديم جاء خفيف بزاف يقدم مع فطور الصباح
الكوكسناب
وصفات مشابهة
وصفات ننصحك بمشاهدتها
التعليقات