مربى الكرز

Name: مربى الكرز
Cuisine: جزائرية
Ingredients: كيلو كرز; 750 غ سكر; عصير نصف حبة ليمون

المكوّنات

1

نبدا بسم الله ونجيب كيلو كرز نغسلو جيدا ثم ننزعلو النواة ثم نحطو في رسبسيون واسعة نحط الكرز ونضيف عليه 750غ سكر وعصير نصف حبة ليمون
2

نخلط جيدا ونحط شريحة ليمون ونترك الخليط ليلة كاملة حتى يذوب السكر تماما بعد مرور ليلة كاملة يكون الكرز طلق العصير تاعو نصفيه في كسكاس ونحط العصير في كسرونة ونحطو على النار يطيب مدة 15 دقيقة
3

كي يبدا العصير يغلي راح تتشكل رغوة ننزعها في صحن وبعد مايثقال العصير نضيف حبات الكرز ونتركه يطيب مدة 15 دقيقة والقوام يكون حسب الرغبة
4

في الاخير نطفي النار عليه ونخليه يبرد تماما ونقدمه في صحن زجاجي واذا كنت راح نحتفظ بيه نحطو في برطمان زجاجي معين ونحتفظ بيه في الثلاجة لحين التقديم