اول شي بنحشي الجاجة وبنسلقها وبنحط معها بصلة وبهارت و زنجبيل وقرفة وهال وبهار دجاج وبنسلقها

بنقطع الملوخية تكون ناعمه بقطاعة الملوخية وبنحطها بطنجرة وبس تخلص الجاجة سلق بنحط شوي من مرقتها على ملوخية بس لازم تكون الملوخية جامدة مش مرقه وبنغليها غلوتين وبنحط عليها تومة وكزبرة مقليين ما بنغليها كتيير بلاش تسود

الجاجة بعد ما تنسلق بنشيلها من المي تبعتها وبنبهرها وبنشويها

وبحضر الرز بعد ما ننقعو بنجيب بطنجرة بنحط ماء وعالنار وبس تغلي بنحط شوية كركم وملح وبنغسل الرز وبنسقطو بالمي وبنخلي المي اكتر من الرز بشوي صغيرة لعقلة الاصبع واول ما تغلي المي بنوطي الغاز على لاخر وبنكون حضرنا قدحه للرز

القدحة : بنجيب زيت بقلاية وبنخليه ليسخن وبنديرو عالرز بعد ما تنشف ميتو ليصير الزيت يعمل تشش عالرز واحنا بنديرو نتركوا على نار واطيه

بنحضر للملوخية دقة : فلفل حر وتومة وعليهم ليمون معصور وملح