بقعور الكوسا وبغسلو وبعيفو يصفا بمصفاة

بغسل الرز وبضيف الحمة والسمنة والبهارات المشكلة ورب البندورة وبضيف كاسة مي كبير وملح حسب الرغبة وبحركو عسوا

بحشي الكوسا تلت رباع الكوساية رز وبجيب طنجرة وبحط بارضية الطنجرة عظام الخروف وبطبق الكوسا فوقن بحيث يتساوو

بخلط نصف كيلو تقريبا من رب البندورة مع لترين مي بحط مكبس المحشي فوق الكوسا وبكت المي وبحطو على نار قوية ومن غلا بهدي تحتو

بقشر الثوم وبدقو وبضيف النعناع اليابس وبضيفو على طنجرة الكوسا

بدو تقريبا على الغاز ساعة ونص طبخ ويكون صار جاهز للأكل ويمممم تفضلووووو