نجيبو الفريز ونغسلوها ونحولها الورق نتاعها ونقطعوها قطع صغيرة ونديرولها 2 مغارف سكر باش تطلق الما نتاعها

نجيبو كسرونة ونحطو فيها 2 مغارف ونص مايزينة (نشاء) ونحطو فيها 3 مغارف سكر ونحطوها على نار هادئة ومنحوش يدنا من تخلاط خاطش تتحرق من تحت وتولي مرة ونخلوها تثقال ومن بعد ونحوها ونحطوها في اطباق لي كيما اي مثل الصورة ونخلوها تبرد برا ومن بعد ندخلوها للفريجيدار تبرد

وفي نفس الوقت نجبدو الفريزر بعد ما تكون طلقت الما نتاعها ونحطوها على الكريمة

نجيبو الفلان نديرولو كاس ما ونحطوه في كسرونة ونديروه على نار ونخلوه حتى يولي يغلي من بعد نحوه و نحطوه ديراكت فوقهم خاطش يجمد ونحطوهم فالفريجيدار يبردوا