بسم الله والصلاة والسلام على رسول الله وبعد نبدأ نحط اللحم مع الملعقتين زيت عادي ونقليهم مليح نضيف البصل والثوم مرحيين ونزيد نقلي ثم نضيف الطماطم كعب مرحية مع جزرة مرحيةثم نضيف الملح التوابل الطماطم المصبرةوالدبشة ونقليهم مع بعضاهم ثم نحل الملوخية بزيت الزيتون ونضيفها على المواد السابقةونحرك مليح ثم نمرقها بماء ساخن ونحركها مليح حتى تتنحالها الرغوة نقص عليها النار ونخليها طيب على نار هادئة مدة اربع ساعات حتى تخرج الزيت كي تنشف نضيفلها قرن فلفل حار وفص ثوم مرحي ونقدمها مع كسرة خميرة وشهية طيبة