انا استعملت نص باكي قطايف حسب عدد أفراد عائلتي. نديرهم في قصعة ونضيف عليهم الزبدة لي ذوبتها بالشوية حتي تتشمخلي القطايف وتشربلي الزبدة. نجيب فنجال نحط عليه من داخل الورق الغذائي باش نقدر نخرج القطايف منو بسهولة نحط في الفنجال طبقة قطايف من بعد نحشيها بالكاوكاو ونزيد طبقة قطايف ونضغط شوي ونقلب الفنجال ونجبد باستعمال الورق الغذائي ونحطها في البلاطو ونكمل كامل الكمية ونطيبهم في الكوشة علي نار قليلة.كي تحمارلي من فوق نخرجها ونسقيها طول بالعسل البارد ونزين بالسوريز المعلب.