في طنجرة نضع الزيت واللحم ونضيف البصل والبطاطا والحزر والطماطم حب والمصبرة انا ضفت معاهم حبة جريوات (كوسا) صغيرة وسنة ثوم هوما مينداروش في الوصفة الاصلية انا ضفتهم ونضيف ربطة الكرافس والمعدنوس ونزيد الحمص من الافضل نحطو في شاش باه نقدرو ننزعوه من بعد ونخليهم يتقلاو جيداً

بعدما ما تتقلا مدة عشر دقائق نضيف التوابل المذكورة سابقا ونمرق بماء سخون ونخليها حوالي نصف ساعة ونفتح عليها ننزع القرفة واللحم والحمص والحشيش ونرحي الخضر تاعي وفي كسرونة نضيف ملعقة زبدة وفرينة ونخليهم يتحمصو جيداً ثم نضيفلهم قليل من المرق ونحرك جيداً ثم نرجعهم للمرق باه يعقد مليح

في الاخير نضيف فنجان الشعيرية ونرجع اللحم والحمص ونخليهم مدة عشر دقائق ونطفي عليهم ونقدمها مع الليمون

اول مرة نجربها نتمنى نكون مغلطتش في الوصفة والطريقة وبصراحة عجبتني بزاف مختلفة كليا على شربتنا لانها تتميز بكثرة التوابل وبمذاقها اللاذع لي مناش موالفين بيه حنا ناس الشرق نتمنى لا غلطت فيها تصحولي الاخطاء وشكرا