اول خطوة نحضر الكريمة نحط لحليب و نشاء و السكر و فلان و كاكاو و نخلط بارد في بارد و نحط فوق النار مع التحريك المستمر حتى تولى كريمة نحيها من على النار و نضيف لها ياغورت شوكولاتة و نخلط جيداااا و نحطها في جيه

نبدأ نجيب البسكوت و نحطو في الحليب و النسكافى نبدأ بالحبة و نحطها في المول ندير طبقة الاولى و نحط الكريمة و نزيد الطبقة الثانية بنفس الطريقة حتى نخلص البسكوى الى عندي و نحط الكريمة المتبقية على الوجه و نسويها مليح و نحط فوقها جوز الهند و نحطها في الثلاجة تبرد

و نقصمها مربعات و شهية طيبة وجات بزاااف بنيييه من تحت ايادى امى حبيبتى الغالية