نبداو بسم الله؛كيلة النعمة حسب أفراد العائلة انا كيلت بالبول تاع الشربة الصغير أو حنا نسميوه بول تاع الجاري

نسومو الطعام أو النعمة أو البربوشة بمعنى نغطيوه بالماء ونصفيوه يقطر جيداً.

بعد ماينشف ندهنوه بشوية زيت ونحطوه يفور في الكسكاس

بعد مايفور نحيوه في قصعة ونحطو شوية ملح ونرشوه بالماء حسب كمية النعمة ونحركو جيداً باه مايتكورش ونخليوه برتاح.

نفوروه للمرة الثانية ونحيوه وندهنوه بالزبدة مليح ونرشو السكر و الرمان المفصص جيداً والمنقي مليح. ويقدم مع اللبن.

بصحتكم

سلام الله عليكم جميعا.