في وعاء نضع المرغرين السكر الزيت البيض و الفانيليا و النشاء و نخلط الكل مع بعض

ندير عليهم الفرينة (طحين) حتى تصبح عجينة طرية نخليها ترتاح مدة ربع ساعة

نأخذ قوالب صغيرة تع الدزيريات و ندير فيها العجينة من بعد نحطهم يطيبو بالفرن

النيسلي نأخذ كأس لحظة (حليب بودرة) و كأس سكر مسحوق و ملعقة زبدة و نص كأس ماء ساخن و نخلطهم بالخلاط جيداً نتركهم من جهة ثم نأخذ كسرونة نحط فيها كأس سكر خشن و نحطها فوق النار باش تتكرمل منخليهاش تتحرق كي يتكرمل نحط عليه ملعقة زبدة و نفرغ الخليط الأول و نبقى نحرك حتى نحصل على القوام المطلوب

كي تطيب اي تستوي العجينة الى في القوالب ننزعها و نخليها تبرد كي تبرد نحط ملعقة نستله و نذوب الشوكولاتة ونغطي بيها النيسلي و نحط حبة جوز أو لوز أنتم احرار

و شهية طيبة