نحضر صحن نرحي صدر الدجاج ونتبلو بالفلفل الاسود والثوم وبيضة وملح ونتركه يرتاح

من جهة نحط الماء في كاسرونة يسخن حتى الغليان ونضع فيه ورقودة رند (غار) والقليل من الزيت ونجيب ساشي نتاع حليب فارغة نغسلها ونثقبها ثقبة متوسطة ونضغ فيه صدر الدجاج المرحي ونضغط عليه باه يخرج من الثقبة على شكل خطوط طويلة في الماء الساخن ونستمر في العملية حتى نكمل جميع الدجاج ونتركه مدة معينة في الماء المغلي وننزعه في صحن

ومن جهة نحضر طنجرة نسكرفج فيها بصلة وشويا ثوم والقليل من فلفل اسود وكزبرة وملح يتقلاو مليح ونمرقهم بالقليل من الماء ونتركه حتى يغلي ونضع فيه صباقيتي الدجاج ونتركه حتى يخثار