نفور راس الكرمب و نحي بالورقة باه متتقطعش و بعد نفور الوراقي وحدهم حتى يذبالو نروح نطيب صوص فيه بصلة مرابيا مغرفة طماطم مصبرة و توابل الموجودة مثلا فلفل اسود ملح راس حانوت..

و نقليهم في 5 مغارف زيت و نزيدهم راس ثوم مرحي و نمرقهم بشوي ماء نزيدهم نص مغرفة صغيرة سكر باه تتنحى الحموضة تاع الطماطم كي يبدو يغلو نطفو

نروحو نخلطو سكالوب مرحي مع معدنوس و بيضة و توابل و ملح و نحكو غامكا مدورة ولا اي حاجة عندك مدورة (قالب) نفرشوها باوراق الكرمب

نعمرو من داخل الخليط تاع السكالوب و نغلقو الاوراق و بعد الكويرات لي درناهم نحكمو لاصوص نصبوه في بلا و نحطو فيه الكويرات تاع الكرمب لازم يتغطو بلاصوص ولا يفوت النص تاعهم باه يطيبو و نحطو شوي صوص فوق الكويرات كان مغطاهمش لاصوص و السكالوب اللي بقا نديروه كيما الكفتة و نزيدوه للبلا

و نغطو لبلا بورق الطهي ولا الومنيوم و نحطوه يطيب في الكويزينيار نشعلو عليه من تحت و من فوق و كي يطيب السكالولي اللي لداخل نرشو عليه فرماج نكونو ربيناه نخلوه دقيقة حتى يذوب الفرماج و نقدموه ♡♡