نقلي الدجاج في الزيت بعدها نضيف البصل والثوم يتقلاو مليح نضيفلهم الطماطم حب مرحية والمصبرة والملح والتوابل ونخليهم يتقلاو خمس دقائق نضيف زوج حبات جزر مقطعين دوائر ونخليهم عشر دقائق باش يتقلاو مليييح. بعد مرور عشر دقائق ونمرق بماء ساخن منكترش الماء بزاف.

في الوقت لي طيبلي المرقة تاعي نوجد البطاطا نقطعها دوائر ونوجد حبتين البيض نفقصهم ونمزجهم بالفرشيطة ونضيفلهم الملح و المعدنوس (بقدونس) مقطعة. نغمس حبات البطاطا فيها ونقليهم.نحطهم بجيه حتى طيبلي المرقة.

كي تطيبلي المرقة نحط حبات البطاطا فيها نغلق عليها خمس دقائق تتشرب المرق من بعد في الأخير نفرغ البيض لي بقالي لي غمست فيه البطاطا على المرق ونخلط شوية زوج دقائق ونطفي.صدقوني تجي تهبل.