نعمل الكريمة باش تبرد في إناء نحط بيضه و سكر و كاكاو و نشا و نخلطهم مليح و نسخن الحليب ثم نضيفو على خليط البيض مع التحريك المستمر وثم نرجعو فوق النار هادية و نحرك حتى يثقال شويه (ما نعقد بزاف الكريمة نخليها شويه خفيفة وسائلة) كي تثقال شويه نطفي النار نحط شوكولا دوب و نخلطها ثم نص ملعقة زبدة نخلطها و نخليها تبرد

العجينة: في اناء او العجانة نحط الحليب و الخميرة الخبز و السكر ثم البيضة و الفرينة ز خميرة الحلوة و نطم ثم نضيف ملح و ملعقة خل و نعجن و نضيف الزيت او الزبدة و ندخلها في العجينة لازم تكون العجينة طريه....نغطيها و نخليها تخمر حوالي 20 دقيقة

لما تختمر العجينة نقسمها على 2 نفتح العجينة الاولي و نحطها في صينيه مدهونة بالزبدة و الفرينة و نحط عليها الكريمة

نفتح العجينة الثانيه و نغطي طبقة لي فيها الكريمة و الكريمة لي تقعد نعطها في كيس و نعمل أشكال عشوائيه فوق العجينة

و نخليها تختمر المرة ثم نسخن الفرن مليح و ندخلها الطيب على 180 درجة من 20 الى 25 دقيقة و نحمرها مليح و كي طيب نرش عليها سكر الناعم و صحا و هنا 🤲😋🌹